نائب وزیراعظم اسحاق ڈار نے اعلان کیا ہے کہ متحدہ عرب امارات (یو اے ای) فوجی فاؤنڈیشن گروپ کے کچھ شیئرز حاصل کرے گا، جس سے پاکستان کی ایک ارب ڈالر کی لائبلٹی ختم ہو جائے گی۔
اسلام آباد میں پریس کانفرنس کے دوران اسحاق ڈار نے بتایا کہ یو اے ای نے پہلے ہی 3 ارب ڈالر فراہم کیے تھے اور چند ہفتے قبل ایک ارب ڈالر رول اوور کرنے تھے، جس پر پاکستان نے یو اے ای کے ساتھ رابطہ کیا۔ انہوں نے کہا کہ شیئرز کے حوالے سے متعدد میٹنگز ہو چکی ہیں اور امید ہے کہ 31 مارچ تک ٹرانزیکشن مکمل ہو جائے گی۔
نائب وزیراعظم نے مزید کہا کہ گزشتہ روز کی ملاقات میں جنوری میں دو ارب ڈالر کے رول اوور پر بھی بات ہوئی، اور کوشش کی جائے گی کہ یو اے ای اس رقم کو پاکستان میں سرمایہ کاری کرے، جس سے معیشت میں بہتری اور مالی استحکام آئے گا۔
