پاکستان سے بیرون ملک ملازمت کے لیے جانے والوں کی تعداد میں سال 2025 کے دوران 41 ہزار سے زائد کمی ریکارڈ کی گئی ہے۔ پروٹیکٹوریٹ آف امیگرینٹس کے اعداد و شمار کے مطابق، اس سال 11 ماہ میں بیرون ملک جانے والوں کی تعداد 6 لاکھ 86 ہزار 292 رہی، جبکہ گزشتہ سال یہ تعداد 7 لاکھ 27 ہزار 391 تھی۔
رپورٹ کے مطابق کراچی سمیت سندھ سے ملازمت کے لیے جانے والوں کی تعداد 52 ہزار 449 رہی، جبکہ امریکا کو ملازمت کے لیے منتخب کرنے والوں کی تعداد محض 899 رہی۔
ملک سے بیرون ملک جانے والوں میں سب سے زیادہ سعودی عرب کو ترجیح دی گئی، اس کے بعد متحدہ عرب امارات، قطر، بحرین اور کویت کا نمبر ہے۔ دیگر مقامات میں جاپان، وسطی ایشیائی ریاستیں، برطانیہ، یورپ، افریقی ممالک اور دیگر شامل ہیں۔
بیرون ملک جانے والے افراد میں اعلیٰ تعلیم یافتہ، نیم ہنرمند اور لیبر کلاس کے افراد شامل ہیں۔ ان میں ڈاکٹر، نرس، اکاؤنٹنٹ، آرٹسٹ، زرعی ماہر، فارماسسٹ، انجینئر اور دیگر پیشہ ور افراد بھی شامل ہیں۔
