قرض پروگرام کے تحت عالمی مالیاتی فنڈز (آئی ایم ایف) کی نئی شرائط سامنے آ گئی ہیں۔
آئی ایم ایف نے مقامی طور پر تیار ہونے والی الیکٹرک گاڑیوں اور بائیکس پر سیلز ٹیکس چھوٹ ختم کرنے اور یکم جولائی 2026 سے 18 فیصد جی ایس ٹی لگانے کا مطالبہ کیا ہے۔
مقامی مینوفیکچرڈ ہائبرڈ الیکٹرک وہیکل پر 30 جون 2026 تک ٹیکس چھوٹ ہے۔ موجودہ قوانین کے مطابق، 1800 سی سی تک کی لوکل ہائبرڈ الیکٹرک وہیکل پر 8.5 فیصد سیلز ٹیکس عائد ہے، جبکہ 2500 سی سی تک کی لوکل ہائبرڈ گاڑیوں پر 12.75 فیصد سیلز ٹیکس ہے۔
ذرائع کے مطابق، آئی ایم ایف نے وزارت صنعت و پیداوار کے ساتھ بات چیت میں ٹیکس چھوٹ ختم کرنے کا مطالبہ کیا ہے اور مقامی مینوفیکچرڈ گاڑیوں پر سیلز ٹیکس کو آٹھویں شیڈول سے نکال کر نارمل ٹیکس رجیم میں شامل کرنے کی سفارش کی ہے۔
اس تبدیلی کے بعد مقامی ہائبرڈ الیکٹرک گاڑیوں اور بائیکس کو اگلے سال سے ٹیکس چھوٹ نہیں ملے گی، جس کا اثر مقامی مینوفیکچررز اور صارفین دونوں پر پڑ سکتا ہے۔
