اسلام آباد: انسداد دہشتگردی کی عدالت نے ڈیجیٹل دہشتگردی کے کیس میں 2، 2 بار عمر قید کی سزائیں سنائیں
اسلام آباد: انسداد دہشتگردی کی عدالت نے 9 مئی کو ریاستی اداروں کے خلاف ڈیجیٹل دہشتگردی کے کیس کا فیصلہ سناتے ہوئے ملزمان کو سخت سزائیں سنائیں۔
اے ٹی سی اسلام آباد میں پراسیکوشن کی جانب سے اس کیس میں مجموعی طور پر 24 گواہان کو پیش کیا گیا۔ جج طاہر عباس سپرا نے محفوظ فیصلہ سنایا۔
پراسیکوشن کی جانب سے راجانوید حسین کیانی عدالت میں پیش ہوئے جبکہ ملزمان کی جانب سے گلفام اشرف گورائیہ ایڈووکیٹ پیش ہوئے، جنہیں عدالت نے ملزمان کا وکیل مقرر کیا تھا۔ انسداد دہشتگردی قوانین کے مطابق ملزمان کی عدم موجودگی میں ٹرائل مکمل کیا جا سکتا ہے۔
عدالت نے ڈیجیٹل دہشتگردی کے کیس میں عادل راجا، حیدر مہدی، وجاہت سعید، صابر شاکر اور معید پیرزادہ کو 2، 2 بار عمر قید کی سزائیں سنائیں۔ علاوہ ازیں، ملزمان کو دیگر دفعات میں مجموعی طور پر 35 سال قید اور 15 لاکھ روپے فی کس جرمانے کی سزائیں بھی دی گئیں۔
واضح رہے کہ تھانہ آبپارہ کے مقدمے میں صابر شاکر، معید پیرزادہ اور سید اکبر حسین کو عمر قید کی سزا سنائی گئی جبکہ شاہین صبہائی، حیدر مہدی اور وجاہت سعید کو بھی سزا دی گئی۔ تھانہ رمنا میں درج مقدمے میں شاہین صہبائی، حیدر مہدی اور وجاہت سعید کو بھی سزا سنائی گئی۔
انسداد دہشتگردی عدالت نے پراسیکوشن کی استدعا پر ملزمان کی غیر موجودگی میں ٹرائل مکمل کیا اور فیصلہ محفوظ کیا۔
