کوئٹہ میں پولیس اہلکار کی جانب سے مبینہ طور پر رشوت طلب کرنے پر ایک رکشا ڈرائیور نے اپنے رکشے کو آگ لگا دی۔
دوسری جانب ایس پی ٹریفک عاصم شاہ نے ڈرائیور کی جانب سے پولیس پر رشوت طلب کرنے کے الزامات کو مسترد کر دیا۔
عاصم شاہ نے کہا کہ کمشنر کے احکامات کے تحت غیر قانونی لوڈر رکشوں کے خلاف کارروائی کی جا رہی ہے۔ انہوں نے مزید بتایا کہ رکشا جلانے کے واقعے کے بعد ڈرائیور کو متعلقہ تھانے منتقل کر دیا گیا ہے تاکہ واقعے کی تحقیقات کی جا سکیں۔
