راولپنڈی: عمران خان سے ان کی اہلیہ بشریٰ بی بی کی ملاقات کروا دی گئی۔
جیل ذرائع کے مطابق سینٹرل جیل راولپنڈی میں پابند سلاسل سابق وزیراعظم عمران خان اور ان کی اہلیہ بشریٰ بی بی کی منگل کو ملاقات کروائی گئی۔
ذرائع کا کہنا ہے کہ دونوں میاں بیوی تقریباً 45 منٹ تک اکٹھے رہے، جس دوران انہوں نے ایک دوسرے کا حال احوال دریافت کیا اور ذاتی امور پر بات چیت کی۔
جیل حکام کے مطابق گزشتہ منگل کو بھی دونوں کی ملاقات کروائی گئی تھی، تاہم اس موقع پر بیرون جیل سے کسی عزیز، رشتہ دار یا سیاسی رہنما کو ملاقات کی اجازت نہیں دی گئی۔
