نصیرآباد: تحصیل ڈیرہ مراد جمالی کے قریب صوفی ٹاؤن کے علاقے میں ریلوے ٹریک پر بم دھماکا ہوا، جس سے ٹریک کو تقریباً دو فٹ تک نقصان پہنچا۔
پولیس کے مطابق دھماکہ صبح کے وقت پیش آیا اور فوری طور پر ٹرینوں کو جیکب آباد ریلوے اسٹیشن پر روک دیا گیا تاکہ کسی بھی جانی نقصان سے بچا جا سکے۔
ریلوے کنٹرول سینٹر کے مطابق ڈیرہ مراد جمالی کے قریب بم دھماکے سے متاثرہ ریلوے ٹریک کی فوری مرمت کی گئی۔ مرمت اور کلئیرنس کے عمل کے مکمل ہونے کے بعد تمام ٹرینوں کی آمدورفت معمول کے مطابق جاری ہے۔
واقعے کی تحقیقات کے لیے پولیس اور ریلوے حکام نے مشترکہ ٹیم تشکیل دے دی ہے تاکہ دھماکے کے اسباب اور ملوث عناصر کا پتہ لگایا جا سکے۔
