سابق آسٹریلوی کرکٹر ڈیمین مارٹن اسپتال سے ڈسچارج، لمبی صحت یابی کا عمل جاری
سابق آسٹریلوی کرکٹر ڈیمین مارٹن کو اسپتال سے ڈسچارج کر دیا گیا ہے، جہاں وہ دو ہفتے تک زیرِ علاج رہے۔ غیر ملکی میڈیا کے مطابق 54 سالہ مارٹن کرسمس ڈے پر گردن توڑ بخار کی وجہ سے تشویشناک حالت میں اسپتال منتقل ہوئے تھے۔
ابتدائی اطلاعات کے مطابق ڈیمین مارٹن کی حالت تشویشناک ہونے پر انہیں آئی سی یو میں رکھا گیا اور وہ کوما میں بھی چلے گئے تھے۔ تاہم، میڈیکل اسٹاف کی محنت اور دیکھ بھال کے بعد اب وہ گھر واپس آ گئے ہیں۔
ڈیمین مارٹن کے قریبی دوست اور سابق کرکٹر ایڈم گلکرسٹ نے بتایا کہ مارٹن کی صحت یابی کا سفر ابھی طویل ہے، تاہم وہ گھر واپس آ گئے ہیں۔ ایڈم گلکرسٹ نے یہ بھی کہا کہ مارٹن کی فیملی نے اسپتال کے میڈیکل اسٹاف اور دیگر متعلقہ افراد کا شکریہ ادا کیا ہے، جنہوں نے ان کی زندگی بچانے میں مدد کی۔
ماہرین کا کہنا ہے کہ گردن توڑ بخار اور تشویشناک حالت کے بعد مکمل صحت یابی میں وقت لگتا ہے، اور ڈیمین مارٹن کے لیے آرام اور مناسب دیکھ بھال اب سب سے اہم ہے۔
