بھارت میں نیشنل شوٹنگ کوچ ریپ کے الزام میں گرفتار
بھارتی میڈیا کے مطابق نیشنل شوٹنگ کوچ انکوش بھردواج پر 17 سالہ نیشنل شوٹر نے ریپ کا الزام لگایا ہے۔
رپورٹس کے مطابق نوجوان شوٹر نے دہلی میں ہونے والے شوٹنگ ایونٹ کے دوران پرفارمنس کے جائزے کے سلسلے میں ہوٹل میں مبینہ طور پر کوچ کے خلاف ریپ کی شکایت درج کروائی۔
ہریانہ پولیس نے الزامات کے بعد انکوش بھردواج کو گرفتار کر لیا ہے۔ پولیس نے مقدمہ درج کرنے کے بعد ضروری کارروائی شروع کر دی ہے اور بیانات ریکارڈ کیے جا رہے ہیں۔ فرید آباد پولیس نے ہوٹل سے سی سی ٹی وی فوٹیج بھی طلب کر لی ہے۔
بھارتی میڈیا کے مطابق انکوش بھردواج کو ایسوسی ایشن نے معطل کر دیا ہے اور تحقیقات کا عمل جاری ہے۔
