ایران کی تازہ صورتِ حال کے پیشِ نظر پاکستانی سفارتخانے نے ایرانی دارالحکومت تہران میں پاکستانی شہریوں کی سہولت کے لیے کرائسس مینجمنٹ یونٹ قائم کر دیا ہے۔
تہران میں تعینات سفیرِ پاکستان مدثر ٹیپو کا کہنا ہے کہ ایران میں موجود پاکستانی شہری کسی بھی ہنگامی صورتحال میں 24 گھنٹے سفارتخانے سے رابطہ کر سکتے ہیں۔ انہوں نے بتایا کہ شہریوں کی فوری معاونت کے لیے کرائسس مینجمنٹ یونٹ فعال کر دیا گیا ہے۔
سفیر پاکستان کے مطابق اس مقصد کے لیے تین عہدیداروں کے موبائل فون نمبرز کے ساتھ ساتھ لینڈ لائن نمبرز بھی فراہم کیے گئے ہیں تاکہ کسی بھی وقت رابطے میں دشواری نہ ہو۔
رابطہ نمبرز درج ذیل ہیں:
فرحان علی: 00989107648298
فیضان: 00989906824496
کاشف علی: 00989938983309
کرائسس مینجمنٹ یونٹ کے لینڈ لائن نمبرز:
00982166941388
00982166944888
سفارتخانے نے ایران میں مقیم تمام پاکستانی شہریوں سے اپیل کی ہے کہ کسی بھی ہنگامی صورتحال میں فوری طور پر ان نمبرز پر رابطہ کریں اور باخبر رہیں۔
