پاکستان اور سری لنکا کا دوسرا ٹی ٹوئنٹی بارش کے باعث منسوخ

پاکستان اور سری لنکا کے درمیان کھیلا جانے والا دوسرا ٹی ٹوئنٹی میچ بارش کے باعث منسوخ کر دیا گیا۔

میزبان سری لنکا اور پاکستان کے درمیان تین میچز پر مشتمل ٹی ٹوئنٹی سیریز کا دوسرا میچ آج دمبولا میں کھیلا جانا تھا، تاہم خراب موسم کے باعث میچ ممکن نہ ہو سکا۔

دمبولا میں بارش کے باعث پہلے ٹاس میں تاخیر ہوئی اور بعد ازاں امپائرز نے میچ کو منسوخ کرنے کا فیصلہ کر لیا۔

واضح رہے کہ تین میچز پر مشتمل اس سیریز میں پاکستان کو 0-1 کی برتری حاصل ہے، جبکہ سیریز کا تیسرا اور آخری ٹی ٹوئنٹی میچ 11 جنوری کو دمبولا میں ہی کھیلا جائے گا۔