کراچی: گلشن اقبال میں گیس لیکج سے دھماکا، 6 افراد زخمی
کراچی کے علاقے گلشن اقبال بلاک 2 میں ایک رہائشی عمارت کے فلیٹ میں گیس لیکج کے باعث زور دار دھماکا ہوا۔
پولیس کے مطابق دھماکے کے نتیجے میں عمارت کی پہلی منزل پر واقع فلیٹ میں آگ لگ گئی۔ حادثے کی اطلاع ملتے ہی فائر بریگیڈ موقع پر پہنچ گئی اور آگ پر فوری قابو پا لیا۔
پولیس کا کہنا ہے کہ اس واقعے میں خاتون اور بچوں سمیت 6 افراد زخمی ہوئے، جنہیں سول برنس وارڈ منتقل کر کے طبی امداد فراہم کی جا رہی ہے۔
