پاکستان سپر لیگ (پی ایس ایل) کے 11 ویں ایڈیشن کے لیے مزید دو ٹیمیں سامنے آ گئی ہیں، تاہم اب ڈرافٹ کا انتظار ہے۔
ذرائع کے مطابق پی ایس ایل 11 کا ڈرافٹ 30 جنوری کو ہونے کا امکان ہے اور پی ایس ایل مینجمنٹ نے ڈرافٹ کی منصوبہ بندی شروع کر دی ہے۔ ذرائع نے بتایا کہ ڈرافٹ سے قبل تمام معاملات جلد ختم کرنے کی حکمت عملی طے کی گئی ہے اور ڈرافٹ کے وینیو اور تاریخ کا باضابطہ اعلان بھی جلد کر دیا جائے گا۔
پی ایس ایل 11 ڈرافٹ پاکستان اور آسٹریلیا کے درمیان ٹی ٹوئنٹی سیریز کے دوران ایک روز کے وقفے میں ہوگا۔ اس ڈرافٹ میں تمام 8 فرنچائزز کے مالکان، کوچز اور نمائندے شریک ہوں گے۔
پی ایس ایل میں پہلے سے موجود لاہور قلندرز، کراچی کنگز، پشاور زلمی، کوئٹہ گلیڈی ایٹرز، اسلام آباد یونائیٹڈ اور ملتان سلطانز کے علاوہ 11 ویں ایڈیشن سے سیالکوٹ اور حیدرآباد کی ٹیمیں بھی شامل ہو گئی ہیں، جس کے بعد لیگ میں کل 8 ٹیمیں حصہ لیں گی۔
