امریکا میں لاکھوں ڈالرز کی لابنگ کے باوجود بھارت کو سفارتی محاذ پر مشکلات کا سامنا ہے۔
امریکی تحقیقاتی ادارے کی رپورٹ کے مطابق بھارتی حکومت نے امریکی لابنگ فرم کو 4 لاکھ 50 ہزار ڈالرز ادا کیے اور اپنی سفارتی ساکھ کو بحال کرنے کی کوشش کی۔
بھارتی میڈیا کے مطابق آپریشن سندور کے دوران بھارت نے لابنگ کے ذریعے ٹرمپ انتظامیہ سے رابطے شروع کیے اور بھارتی وفد نے امریکی انتظامیہ سے ملاقاتوں کے لیے لابنگ فرم کی مدد لی۔
ذرائع کے مطابق بھارت نے دو لابنگ فرمز کو بالترتیب 1.8 ملین ڈالر اور 75 ہزار ڈالر سہ ماہی پر ہائر کیا۔
اس رپورٹ سے ظاہر ہوتا ہے کہ بھارتی حکومت کی بڑی سرمایہ کاری کے باوجود سفارتی محاذ پر اسے مکمل کامیابی نہیں ملی اور اس کی عالمی ساکھ بحال کرنے کی کوششیں محدود رہی ہیں۔
