امریکی شہر لاس اینجلس میں ایران کی حکومت کے خلاف جاری مظاہرے کے دوران ایک ٹرک کی ٹکر سے متعدد مظاہرین زخمی ہو گئے۔
امریکی میڈیا کے مطابق واقعے میں زخمی ہونے والے کئی افراد کو فوری طور پر اسپتال منتقل کر دیا گیا ہے، جبکہ پولیس نے ٹرک ڈرائیور کو حراست میں لے لیا ہے۔ واقعے کی وجوہات جاننے کے لیے تحقیقات جاری ہیں۔
دوسری جانب ایران نے امریکا اور صیہونی حکومت کے خلاف مزاحمت میں جان دینے والوں کی یاد میں تین روزہ سوگ کا اعلان کر دیا ہے۔ ایرانی حکام کا کہنا ہے کہ یہ سوگ ان افراد کے لیے ہے جو حالیہ بدامنی کے دوران ہلاک ہوئے۔
واضح رہے کہ ایران میں گزشتہ 14 روز سے احتجاجی مظاہرے جاری ہیں۔ ایرانی انسانی حقوق تنظیم کے مطابق دو ہفتوں سے جاری ان مظاہروں کے دوران 192 افراد ہلاک ہو چکے ہیں۔
تاہم امریکی انسانی حقوق تنظیم ایچ آر اے این اے نے ہلاکتوں کی تعداد اس سے کہیں زیادہ بتائی ہے۔ تنظیم کے مطابق ایران میں جاری احتجاجی مظاہروں کے دوران 490 مظاہرین جان سے ہاتھ دھو بیٹھے ہیں۔
