میرے ایک ڈرامے کا معاوضہ آلٹو کی قیمت سے زیادہ ہے: مہک ملک

ٹرانس جینڈر ڈانسر مہک ملک نے انکشاف کیا ہے کہ ان کے ایک ڈرامے کا معاوضہ ایک آلٹو کی قیمت سے بھی زیادہ ہے۔

حال ہی میں ایک انٹرویو کے دوران میزبان نے مہک ملک سے معاوضے کے بارے میں سوال کیا، جس پر مہک ملک نے بتایا کہ جیسے یوٹیوبرز اپنی ویڈیوز سے اتنا کماتے ہیں کہ ایک، دو یا تین آلٹو خریدی جا سکتی ہیں، بالکل اسی طرح وہ ایک ڈرامے کے معاوضے سے ڈیڑھ آلٹو خرید سکتی ہیں۔

دوران انٹرویو مہک ملک سے اداکارہ نرگس کے معاوضے سے موازنہ کرنے کے بارے میں بھی سوال کیا گیا۔ مہک ملک نے کہا کہ ان کی نرگس سے کبھی ملاقات نہیں ہوئی، اس لیے وہ اس بارے میں کچھ نہیں کہہ سکتی، لیکن ان کا اپنا معاوضہ 20 لاکھ روپے سے زائد ہے۔