اسلام آباد: چیئرمین تحریک انصاف بیرسٹر گوہر نے کہا ہے کہ جمعرات تک محمود خان اچکزئی کا بطور اپوزیشن لیڈر نوٹیفکیشن جاری ہو جائے گا۔
بیرسٹر گوہر نے بتایا کہ پی ٹی آئی کے وفد کی اسپیکر قومی اسمبلی سے ملاقات ہوئی جس میں اپوزیشن لیڈر کے تقرر کے طریقہ کار پر اتفاق کیا گیا۔ ان کا کہنا تھا کہ تمام امور طے پا چکے ہیں اور جمعرات تک محمود خان اچکزئی کے نوٹیفکیشن کا اجرا ہو جائے گا۔
بیرسٹر گوہر نے کہا کہ اسپیکر سے ملاقات کے دوران پیپلز پارٹی کے دو ارکان بھی موجود تھے، تاہم پیپلز پارٹی کے ارکان اپوزیشن بینچز پر نہیں بیٹھے اس لیے ان کا کوئی حق نہیں بنتا۔ انہوں نے مزید کہا کہ پیپلز پارٹی کی جانب سے یہ مؤقف اختیار کیا گیا ہے کہ وہ اس حوالے سے کوئی دستاویز جمع نہیں کرائیں گے۔
