چین نے امریکا کی جانب سے ایران سے تجارت کرنے والے ممالک پر نئی پابندیاں عائد کرنے پر شدید ردعمل دیا ہے۔
واشنگٹن میں چینی سفارتخانے کے ترجمان نے کہا کہ ٹیرف کے بے ترتیب نفاذ کے خلاف چین کا مؤقف ہمیشہ سے واضح اور مستقل رہا ہے۔
ترجمان نے کہا کہ ٹیرف یا تجارتی جنگوں میں کوئی فاتح نہیں ہوتا اور دباؤ یا زبردستی سے مسائل حل نہیں کیے جا سکتے۔ چین اپنے جائز مفادات کے تحفظ کے لیے تمام ضروری اقدامات کرے گا۔
چین نے اس بات پر بھی زور دیا کہ وہ کسی بھی غیر قانونی، یکطرفہ پابندیوں اور دائرہ اختیار کے ناجائز استعمال کی سخت مخالفت کرتا ہے۔
