آسٹریلیا ویمن کرکٹ ٹیم کی کپتان ایلیسا ہیلی نے اپنے تمام فارمیٹس سے ریٹائرمنٹ کا اعلان کر دیا ہے۔
کرکٹ آسٹریلیا کے مطابق وکٹ کیپر بیٹر ایلیسا ہیلی بھارت کے خلاف آنے والی سیریز کے بعد ریٹائر ہوں گی۔ 35 سالہ ہیلی نے 2010 میں بین الاقوامی کیریئر کا آغاز کیا اور اب تک 295 انٹرنیشنل میچز میں 7 ہزار سے زائد رنز بنائے، جبکہ وکٹوں کے پیچھے 275 کھلاڑیوں کو آؤٹ کیا۔
خاتون کرکٹر نے 2023 میں آسٹریلیا کی فل ٹائم کپتان کی ذمہ داریاں سنبھالی تھیں اور وہ 8 آئی سی سی ورلڈ کپ ٹائٹلز کا حصہ رہیں۔ ایلیسا ہیلی آسٹریلیا کے فاسٹ بولر میچل اسٹارک کی اہلیہ بھی ہیں۔
اپنے ریٹائرمنٹ اعلان میں ایلیسا ہیلی نے کہا کہ "میں ملے جلے احساسات کے ساتھ بھارت کے ساتھ سیریز کے بعد ریٹائرمنٹ کا اعلان کر رہی ہوں۔ میں ابھی بھی آسٹریلیا کے لیے کھیلنے کا جذبہ رکھتی ہوں، لیکن مقابلے کے پہلو شاید کھو دیا ہے، اس لیے یہ ریٹائرمنٹ کا اچھا وقت ہے۔”
انہوں نے مزید کہا کہ وہ ٹی ٹوئنٹی اسکواڈ کا حصہ نہیں ہوں گی، لیکن ہوم گراؤنڈز پر بھارت کے خلاف آخری مرتبہ ون ڈے اور ٹیسٹ میچ کھیلیں گی۔
