پاکستان تحریک انصاف کے چیئرمین بیرسٹر گوہر نے حکومت پر شدید تنقید کی ہے۔
پارلیمنٹ کے باہر میڈیا سے گفتگو کرتے ہوئے انہوں نے کہا کہ سال نیا ہے لیکن پاکستان کے مسائل وہی پرانے ہیں۔ سہیل آفریدی کا دورہ سندھ بہت اچھا رہا، تاہم سندھ حکومت کا آخری دن کا رویہ جمہوری نہیں تھا۔ انہوں نے کہا کہ سندھ حکومت کو ٹوپی اور اجرک کا احترام کرنا چاہیے تھا۔
بیرسٹر گوہر نے مزید کہا کہ حکومت اب سپراسپیڈ سے نکل کر ونڈربوائے کی تلاش میں ہے اور ساتھ ہی حکومت پر زور دیا کہ اپوزیشن لیڈر کا نوٹیفکیشن جلد جاری کرے تاکہ کہیں وہ "ہوم الون” کا شکار نہ ہو جائے۔
