ابوظبی: متحدہ عرب امارات میں اس سال قومی مسافر ریل نیٹ ورک “الاتحاد ریل” کا آغاز ہونے جا رہا ہے، جو امارات کے 11 شہروں اور علاقوں کو آپس میں منسلک کرے گا۔
یہ جدید ریل سروس ابوظبی، دبئی، شارجہ اور فجیرہ کے اہم شہروں کے ساتھ ساتھ ابوظبی اور شارجہ کے دور دراز علاقوں تک بھی سہولت فراہم کرے گی۔
الاتحاد ریل کے حکام کے مطابق ابوظبی کے مغربی علاقے الظفرہ اور شارجہ کے صحرائی علاقوں تک ریل سروس مسافروں کو پہنچائے گی۔ ابوظبی کے اہم اسٹیشنز میں السلع (سعودی عرب کی سرحد کے قریب)، الذہ (ساحلی شہر)، المرفأ (ساحلی علاقہ)، مدینۃ زاید (الظفرہ کا انتظامی مرکز)، مزیرعہ (لیوا اویسس کے قریب) شامل ہیں۔ شارجہ کے اسٹیشنز میں الفایہ (اندرونی صحرائی علاقہ) اور الذید (زرعی شہر) شامل ہیں۔
اس جدید ریل سروس میں انٹرنیٹ (وائی فائی)، موبائل چارجر اور 400 مسافروں کے لیے گنجائش جیسی سہولیات دستیاب ہوں گی۔
اتحاد ریل کے ذریعے شہروں کے درمیان سفر تیز، محفوظ اور ٹریفک کے دباؤ کو کم کرنے میں مددگار ثابت ہوگا۔
