امریکی صدر ڈونلڈ ٹرمپ نے ایران میں مظاہرین کو پھانسی دینے کی صورت میں سخت کارروائی کی دھمکی دی ہے۔
صدر ٹرمپ نے امریکی میڈیا کو انٹرویو دیتے ہوئے کہا کہ انہیں مظاہرین کی پھانسی کے بارے میں کوئی تصدیق شدہ رپورٹ موصول نہیں ہوئی، لیکن اگر ایسا ہوا تو امریکا ایران کے خلاف سخت ردعمل دے گا۔
انہوں نے مزید کہا کہ امریکا نہیں چاہتا کہ ایران میں حالات اسی طرح خراب رہیں، لیکن جب ہزاروں افراد ہلاک ہو جائیں اور پھانسی دی جائے تو اس کے نتائج ایران کے لیے سنگین ہوں گے۔
یاد رہے کہ اس سے قبل صدر ٹرمپ نے ایرانی مظاہرین کو بغاوت پر اُکسایا تھا اور کہا تھا کہ وہ ایرانی اداروں پر کنٹرول سنبھالیں، جبکہ امریکی مدد بھی جلد پہنچے گی۔
صدر ٹرمپ نے اپنے شہریوں اور اتحادیوں کو ایران سے نکلنے کی ہدایت بھی کی ہے۔
