لاہور: بسنت کے لیے جامع سکیورٹی پلان، شہر کو زونز میں تقسیم کر دیا گیا
لاہور: لاہور پولیس نے بسنت کے موقع پر شہر میں حفاظتی انتظامات کو یقینی بنانے کے لیے جامع سکیورٹی پلان تیار کر کے لاہور ہائی کورٹ میں جمع کرا دیا ہے۔ شہر کو لال، پیلے اور ہرے زونز میں تقسیم کیا گیا ہے تاکہ حفاظتی اقدامات مؤثر انداز میں نافذ کیے جا سکیں۔
پلان کے مطابق شیشہ، کیمیکل اور میٹل ڈور کے استعمال پر مکمل پابندی ہوگی، اور ہر پتنگ اور ڈور کی QR کوڈ کے ذریعے رجسٹریشن لازمی قرار دی گئی ہے۔ اس کے علاوہ چھتوں پر شراب نوشی اور ہوائی فائرنگ پر سخت کارروائی عمل میں لائی جائے گی تاکہ شہریوں کی حفاظت کو یقینی بنایا جا سکے۔
پولیس حکام نے شہریوں سے اپیل کی ہے کہ وہ ان حفاظتی اقدامات پر عمل کریں اور بسنت کی خوشیوں کو محفوظ انداز میں منائیں۔