کراچی: انجمن تاجران سندھ کے صدر جاوید قریشی نے کہا ہے کہ حکومت کی نااہلی کے سبب گل پلازہ میں لوگوں کو بروقت ریسکیو نہیں کیا جا سکا۔
جاوید قریشی نے کہا کہ گل پلازہ کے واقعے میں مالی اور جانی نقصان تاجروں کو برداشت کرنا پڑ رہا ہے، اور الزامات بھی ہم پر لگائے جا رہے ہیں۔
انہوں نے مزید کہا کہ حکومت کی نااہلی ہے کہ وہ لوگوں کو ریسکیو نہیں کر سکی، 34 گھنٹے کے باوجود ریسکیو کا کام مکمل نہیں ہوا، اور حکومت کو اپنی ناکامی کا اعتراف کرنا چاہیے۔
صدر انجمن تاجران سندھ نے بتایا کہ دیکھ بھال (مینٹیننس) کی رقم چوکیداری سسٹم، مینٹیننس اور جنریٹر کے ڈیزل پر خرچ ہوتی ہے۔ گل پلازہ کے بیسمنٹ میں پارکنگ تھی، جس میں دکانیں بنا دی گئی تھیں، اور وہاں بیسمنٹ سمیت گراؤنڈ پلس ون کی اجازت تھی جس میں بعد میں توسیع کی گئی۔
جاوید قریشی نے کہا کہ گل پلازہ میں تمام توسیع قانونی طریقے سے کی گئی تھی۔
