پی ٹی آئی کے حمایت یافتہ راجہ ناصر عباس سینیٹ میں اپوزیشن لیڈر مقرر، نوٹیفکیشن جاری

اسلام آباد: مجلس وحدت المسلمین کے سربراہ اور پی ٹی آئی کے حمایت یافتہ سینیٹر راجہ ناصر عباس کو سینیٹ میں اپوزیشن لیڈر مقرر کر دیا گیا ہے۔

سیکرٹری سینیٹ حفیظ اللہ شیخ نے قائد حزب اختلاف کا نوٹیفکیشن جاری کر دیا ہے۔

چیئرمین سینیٹ یوسف رضا گیلانی نے بتایا کہ راجہ ناصر عباس کو 32 میں سے 22 ارکان اپوزیشن سینیٹ کی حمایت حاصل ہے۔ انہوں نے کہا کہ قائد حزب اختلاف کو ڈکلیئر کرنے کا اختیار چیئرمین سینیٹ کو حاصل ہے، اور اسی سلسلے میں سینیٹر ناصر عباس کو لیڈر آف اپوزیشن کے طور پر ڈکلیئر کیا جاتا ہے۔

چیئرمین سینیٹ نے واضح کیا کہ قائد حزب اختلاف کے نوٹیفیکیشن کا معاملہ سینیٹ سیکریٹریٹ میں رہا اور تاخیر عدالتی پروسیجر کے باعث ہوئی، تاہم اب رولز کے مطابق عمل کیا جائے گا۔