لیہ:سیکیورٹی اقدامات، اساتذہ اور بچوں کی حاضری، صفائی، میل پروگرام کا ریکارڈ چیک کیا
لیہ (نیوز رپورٹر ) ڈسٹرکٹ ایجوکیشن آفیسر مردانہ گل شیر کے مختلف سکولز کے اچانک دورے۔ گل شیر ڈسٹرکٹ ایجوکیشن آفیسر نے گورنمنٹ ایلیمنٹری سکول چک نمبر 471 اور 465 ٹی ڈی اے، گورنمنٹ پرائمری سکول وارڈ نمبر 1 چوک اعظم اور گورنمنٹ پرائمری سکول چک نمبر 459 ٹی ڈی اے کے اچانک دورے کیے۔ دوران وزٹ سیکیورٹی اقدامات، اساتذہ اور بچوں کی حاضری، صفائی، میل پروگرام کا ریکارڈ، اے ڈی پی سکیمز کا بغور جائزہ لیا گیا۔
دوران وزٹ بچوں کے ٹیسٹ بھی لیے گئے اور تمام اساتذہ اور سربراہان ادارہ جات کو ہدایت جاری کیں کہ بچوں کی تعلیم و تربیت پر خصوصی توجہ دی جائے۔ استاتذہ اور بچوں کی حاضری کو سو فیصد یقینی بنایا جائے۔ سیکیورٹی کے مکمل اقدامات لیے جائیں۔ جہاں پر اے ڈی پی سکیمز کے تحت تعمیراتی کام ہو رہے ہیں۔ ان کی مکمل نگرانی کی جائے اور کام کے معیار کو یقینی بنایا جائے۔ معیاری تعلیم اور بروقت اقدامات ہماری اولین ترجیح ہے۔
