لیہ:لیہ مائنر کی صفائی اور واکنگ ٹریک کی بحالی کے احکامات جاری
لیہ (نیوز رپورٹر) ڈپٹی کمشنر آصف علی ڈوگر شہر کی خوبصورتی اور انسان دوست ماحول کی فراہمی کے لئے سرگرم۔ ڈپٹی کمشنر نے لیہ مائنر کی صفائی اور واکنگ ٹریک کی بحالی کے احکامات جاری کر دئے۔ ڈپٹی کمشنر نے ہدایت کی کہ شہر کے وسط سے گزرنے والی لیہ مائنر نہر کسی نعمت سے کم نہیں اور یہ شہریوں کی تفریح کے لئے ایک بہترین تحفہ ہے۔
انہوں نے کہا کہ اس کی صفائی اور واکنگ ٹریک کی بحالی کو اولین ترجیح سمجھا جائے۔ ڈپٹی کمشنر نے اس سلسلہ میں میونسپل کمیٹی لیہ، محکمہ انہار اور ویسٹ مینجمنٹ کمپنی کو نہر کی صفائی، واکنگ ٹریک کی بحالی کی ہدایات جاری کر دی ہیں۔ اس سلسلہ میں ویسٹ مینجمنٹ کمپنی نے رات گئے ٹریک کی دھلائی اور لیہ مائنر سے شاپر اور دیگر ویسٹ کی صفائی کا عمل شروع کر دیا ہے۔
