پنجاب کے کئی شہروں میں شدید دھند کے باعث حد نگاہ متاثر ہونے کے سبب متعدد مقامات پر موٹرویز بند کر دی گئی ہیں۔
موٹروے پولیس کے مطابق موٹروے ایم 3 فیض پور سے سمندری تک دھند کی وجہ سے بند کر دی گئی ہے۔
اسی طرح موٹروے ایم 4 شیرشاہ سے عبدالحکیم تک، اور موٹروے ایم 5 شیرشاہ سے ظاہر پیر تک دھند کی وجہ سے بند ہیں۔
موٹروے پولیس نے مزید بتایا کہ موٹروے ایم 11 لاہور سے سمبڑیال تک بھی دھند کے باعث بند ہے، اور شہریوں کو ہدایت کی گئی ہے کہ فی الحال ان راستوں کا استعمال نہ کریں تاکہ حادثات سے بچا جا سکے۔
