کوٹ ادو میں لیہ روڈ پر ٹریلر کی ٹکر سے 5 طالب علم جاں بحق ہوگئے۔
ریسکیو حکام کے مطابق یہ طالب علم اسکول جانے کے لیے دو موٹرسائیکلوں پر سوار تھے جب تیز رفتار ٹریلر نے انہیں ٹکر ماری۔ ایک موٹرسائیکل پر دو بھائی سوار تھے، جبکہ دوسری موٹرسائیکل پر بہن، بھائی اور ایک کزن موجود تھے۔
حادثے کے شکار طالب علموں کی عمریں 10 سے 16 سال کے درمیان بتائی گئی ہیں اور ریسکیو حکام نے کہا کہ حادثہ ٹریلر کی تیز رفتاری کی وجہ سے پیش آیا۔
