جنوبی افریقا نے اسرائیل کے سفارت کار ایریل سیڈمین کو ناپسندیدہ شخصیت قرار دیتے ہوئے 72 گھنٹوں کے اندر ملک چھوڑنے کا حکم دے دیا ہے۔
جنوبی افریقی وزارت خارجہ کے مطابق ایریل سیڈمین نے سفارتی آداب کی خلاف ورزی کی اور جنوبی افریقی صدر کے خلاف سوشل میڈیا پر توہین آمیز مہم چلائی۔
وزارت خارجہ نے کہا کہ اسرائیلی سفارت کار کو ملک چھوڑنے کے لیے مقررہ مدت دی گئی ہے اور مستقبل میں اسرائیل سے توقع کی جاتی ہے کہ وہ سفارتی اصولوں کی مکمل پاسداری کرے گا۔
