ایران، روس اور چین نے شمالی بحرِ ہند میں مشترکہ بحری مشقوں کا اعلان کر دیا
ایران کے نیم سرکاری تسنیم نیوز ایجنسی کے مطابق ایران، روس اور چین رواں ماہ شمالی بحرِ ہند میں مشترکہ بحری مشقیں کریں گے۔ ان مشقوں کو "میری ٹائم سکیورٹی بیلٹ” کا نام دیا گیا ہے، جس میں ایران کی بحریہ، پاسداران انقلاب کے گارڈز، چین اور روس کی بحری افواج حصہ لیں گی۔
رپورٹ کے مطابق ان مشقوں کا مقصد کسی بھی ممکنہ حملے یا خطرے سے نمٹنے کی پیشگی تیاری اور تینوں ممالک کے درمیان فوجی تعاون کو مضبوط بنانا ہے۔ یہ مشقیں ایران کی بحریہ نے 2019 میں باقاعدہ آغاز کیں اور اب تک سات مرتبہ منعقد ہو چکی ہیں۔
ماہرین کے مطابق یہ مشقیں ایسے وقت میں ہو رہی ہیں جب واشنگٹن اور تہران کے درمیان کشیدگی میں اضافہ ہوا ہے اور امریکہ نے مشرق وسطیٰ میں اپنا بحری بیڑہ تعینات کر رکھا ہے۔ اس اقدام کو خطے میں فوجی توازن برقرار رکھنے اور ممکنہ خطرات کے لیے تیاری کے طور پر دیکھا جا رہا ہے۔
