لاہور : محکمہ موسمیات نے ملک کے مختلف حصوں میں گرج چمک کے ساتھ بارش کی پیشگوئی کی ہے۔ اسلام آباد میں جزوی ابر آلود موسم رہنے کے ساتھ بعض مقامات پر بارش کا امکان ہے۔ مری، گلیات اور اس کے گرد و نواح میں گرج چمک کے ساتھ بارش متوقع ہے۔
راولپنڈی، اٹک، چکوال، میانوالی، سرگودھا، بھکر، خوشاب، شیخوپورہ، فیصل آباد، لاہور اور ان کے گرد و نواح میں چند مقامات پر بارش ہو سکتی ہے۔ سندھ اور بلوچستان کے بیشتر علاقوں میں موسم خشک رہنے کا امکان ہے، جبکہ چترال، دیر، سوات، شانگلہ، ہری پور اور مانسہرہ میں بارش کی توقع ہے۔پشاور، ایبٹ آباد، چارسدہ، نوشہرہ، کوہاٹ، کرک، باجوڑ، کرم، مالاکنڈ، وزیرستان اور ان کے گرد و نواح میں بھی بارش ہونے کا امکان ہے۔ محکمہ موسمیات نے آزاد کشمیر اور گلگت بلتستان میں بھی بعض مقامات پر گرج چمک کے ساتھ بارش کی پیشگوئی کی ہے۔
