وفاقی وزیر مواصلات اور صدر استحکام پاکستان پارٹی عبدالعلیم خان کا کہنا ہے کہ عیدالفطر پر دوسروں کو خوشیوں میں شریک کرنا ہی اصل عید ہے۔
وفاقی وزیر مواصلات عبدالعلیم خان نے لاہور میں فاؤنڈیشن کا دورہ کیا اور کم آمدنی والے خاندانوں میں امدادی رقوم کی تقسیم کاجائزہ لیا۔ عبدالعلیم خان کاکہناہے فاؤنڈیشن میں آنے والےہرشہری کی عزت نفس کا مکمل خیال رکھا جائے۔صدراستحکام پاکستان پارٹی عبدالعلیم خان نے فاؤنڈیشن کے دورہ کے دوران عملے کو بہترکار کردگی پر شاباش دی اور عید بونس کا اعلان کیا۔
سی ای او بریگیڈئیرریٹائرڈ خالد بشیر نے بریفنگ میں بتایاکہ درخواست دہندہ کوگھر سے آنے اور کیش دینے تک مکمل رہنمائی کی جاتی ہے۔عیدالفطر کے موقع پرضرورت مند خاندانوں میں فاونڈیشن سے خصوصی کیش کی تقسیم کی گئی۔عبدالعلیم خان نے فاؤنڈیشن میں موجود شہریوں سے گفتگو کیں، عید کی پیشگی مبارکباد دی۔ وفاقی وزیرکا کہناتھا ہزاروں خاندان فاؤنڈیشن کی فلاحی سرگرمیوں سے بلا تفریق مستفید ہو رہے ہیں۔
عبدالعلیم خان فاؤنڈیشن کمپیوٹرائزڈ نظام کے تحت شہریوں کوکیش دے رہی ہے۔انہوں نے عملے کوہدایت کی کہ فاؤنڈیشن میں آنے والے ہرشہری کی عزت نفس کا مکمل خیال رکھا جائے۔عبدالعلیم خان کا کہنا تھا کہ عیدالفطر پر دوسروں کوخوشیوں میں شریک کرنا ہی اصل عید ہے۔اللہ تعالیٰ خدمت خلق کی کاوشوں کو قبول فرمائے۔ 25 سال سے آپ کے دکھ درد کا ساتھی تھا، ہوں اور انشااللہ رہوں گا۔