صدر مملکت آصف علی زرداری کی طبیعت میں بہتری آرہی ہے۔ جلد نجی اسپتال سے ڈسچارج کیے جانے کا امکان ہے۔
صدر مملکت بخار اور انفیکشن کے باعث کراچی کے ہسپتال میں زیر علاج ہیں، ذرائع کے مطابق طبیعت میں بہتری کے باعث انہیں جلد نجی اسپتال سے ڈسچارج کیے جانے کا امکان ہے۔قبل ازیں صوبائی وزیرسندھ شرجیل میمن نے صدرمملکت آصف علی زرداری کے علاج کیلئے دبئی منتقلی کی خبروں کو بے بنیاد قرار دیدیا تھا۔
شرجیل میمن کا کہنا ہے کہ صدر زرداری کی صحت بہتر ہورہی ہے،علاج کیلئے دبئی منتقلی کی خبریں بے بنیاد ہیں۔ انشاء اللہ آصف زرداری بہت جلد ٹھیک ہوجائیں گے۔واضح رہے کہ صدر مملکت کو علالت کے باعث اسپتال منتقل کر دیا گیا۔ آصف علی زرداری کراچی میں کلفٹن کے نجی اسپتال میں علاج جاری ہے۔اسپتال ذرائع کےمطابق آصف زرداری بخارمیں مبتلا ہیں۔ اسپتال کے اطراف ایس ایس یو اور پولیس کی بھاری نفری تعینات ہے۔
وزیراعظم شہبازشریف نے صدر آصف زرداری سے رابطہ کیا ۔ خیریت دریافت کی ۔ کہا اللہ تعالی آپ کو جلد صحت کاملہ عطا کریں ۔ پوری قوم کی دعائیں آپ کے ساتھ ہیں۔
