پنجاب کے ضلع خوشاب میں ایک انوکھا مقدمہ درج کیا گیا ہے نواحی علاقے نلی کے رہائشی محمد خان کی درخواست پر خوشاب پولیس نے 1000 روپے مالیت کے جوتے کی چوری کا مقدمہ درج کر لیا ہے۔
ایف آئی آر کے مطابق محمد خان نے حال ہی میں بازار سے نئے جوتے خریدے تھے جو چند روز بعد ان کے گھر کے باہر سے چوری ہو گئے جوتے کی مالیت 1000 روپے ہے۔ درخواست موصول ہونے کے بعد پولیس نے نہ صرف مقدمہ درج کیا بلکہ چور کی تلاش کے لیے خصوصی ٹیمیں بھی تشکیل دے دی ہیں۔خوشاب پولیس کا کہنا ہے کہ شہری کے حق کے تحفظ کے لیے ہر ممکن قدم اٹھایا جائے گا، چاہے معاملہ معمولی ہی کیوں نہ ہو۔ قانون سب کے لیے برابر ہے اور چوری جیسا جرم کسی بھی صورت میں نظرانداز نہیں کیا جا سکتا۔مقامی افراد نے اس واردات کو دلچسپ قرار دیتے ہوئے پولیس کے اقدام کو سراہا ہےلیکن کچھ حلقوں میں اس پر طنزیہ تبصرے بھی کیے جا رہے ہیں، سوشل میڈیا پر بھی یہ مقدمہ زیر بحث ہے اور کئی صارفین نے جوتے کی ایف آئی آر کو "سال کی سب سے دلچسپ رپورٹ قرار دیا ہے۔
