واشنگٹن: وائٹ ہاؤس نے امریکی صدر ڈونلڈ ٹرمپ کے پہلے طبی معائنے کے نتائج پر بیان جاری کیا ہے۔ جمعہ کے روز صدر ٹرمپ کا سالانہ جسمانی اور ذہنی طبی معائنہ کیا گیا، جس کے بعد ٹرمپ نے بتایا کہ ان کا جسمانی اور ذہنی دونوں ٹیسٹ اچھے رہے۔ انہوں نے کہا کہ ان کا دل اور دماغ صحت مند ہیں اور انہوں نے مکمل طور پر اچھا محسوس کیا۔ ٹرمپ نے مزید کہا کہ انہوں نے بائیڈن سے مختلف نظر آنے کے لیے ذہنی معائنہ کروایا اور تمام سوالات کے درست جوابات دیے۔
وائٹ ہاؤس کی جانب سے جاری ہونے والے بیان میں کہا گیا ہے کہ ڈاکٹروں کے مطابق صدر ٹرمپ جسمانی اور ذہنی طور پر بہترین صحت میں ہیں اور بطور کمانڈر ان چیف اور مملکت کے سربراہ کے طور پراپنی ذمہ داریاں نبھانے کے لیے مکمل طور پر اہل ہیں۔رپورٹ میں کچھ معمولی مسائل کی نشاندہی کی گئی ہے جن میں دھوپ کی وجہ سے جلد کا نقصان اور گزشتہ جولائی میں قاتلانہ حملے کے دوران دائیں کان پر گولی لگنے کا نشان شامل ہے۔ وائٹ ہاؤس نے یہ بھی کہا کہ صدر کی صحت سے متعلق شفافیت کے حوالے سے ماضی میں سوالات اٹھائے گئے تھے، تاہم معالج شان باربابیلا نے تفصیلی جائزہ پیش کیا اور مکمل رپورٹ جلد جاری کی جائے گی
