ڈپٹی کمشنر لیہ محترمہ امیرا بیدار نے عاشورۂ محرم الحرام کے موقع پر ضلع بھر میں قیامِ امن، صفائی، سیکیورٹی، ہیلتھ، ٹریفک اور دیگر تمام اہم انتظامات کو مثالی انداز میں سرانجام دینے پر اپنی انتظامی، تکنیکی اور فیلڈ ٹیمز کو دلی شکریہ اور پرخلوص طریقے سے خراجِ تحسین پیش کرتے ہوا کہا ہے کہ محرم الحرام کا مقدس مہینہ بالخصوص یومِ عاشور نہایت حساس نوعیت کا حامل ہوتا ہے، جہاں انتظامی طور پر چاق و چوبند، ہم آہنگ اور بروقت حکمت عملی ناگزیر ہوتی ہے۔ میں اپنی ضلعی ٹیم کے ہر اُس فرد کو سلام پیش کرتی ہوں جس نے اپنے منصب کی ذمہ داری کو عبادت سمجھ کر نبھایا۔”
ڈپٹی کمشنر کا کہنا تھا کہ ایڈیشنل ڈپٹی کمشنرز، اسسٹنٹ کمشنرز، تمام لائن ڈیپارٹمنٹس، ضلعی پولیس، انچارج سیکیورٹی، ساؤتھ پنجاب کی ٹیم، ایس این اے ٹیم، کنٹرول روم میں موجود ڈیوٹی آفیسرز و افسران، ایکسین ہائی وے، ایکسین میپکو، چیف آفیسرز اور بلدیہ کی صفائی ٹیمیں، سی ای او ہیلتھ، تمام میڈیکل آفیسرز، پیرا میڈیکل اسٹاف، ریسکیو 1122 کے آفیسرز و اہلکار، صفائی عملہ، ڈرائیورز، گن مین، آفس اسٹاف، کیئر ٹیکرز، سول ڈیفنس اہلکار، رضاکار، سول سوسائٹی کے نمائندگان اور میڈیا سے تعلق رکھنے والے تمام ذمہ دار صحافی و نمائندگان آپ سب نے جس جذبے، ہم آہنگی اور یکجہتی سے عاشورہ کے ایام میں فرائض ادا کیے، وہ قابلِ فخر اور قابلِ تقلید ہے
ڈپٹی کمشنر نے مزید کہا کہ عاشورۂ محرم کے دوران ضلع لیہ میں تمام تر انتظامات مجالسِ عزاء، جلوسوں کی سیکیورٹی، ٹریفک کنٹرول، لائٹنگ، واٹر سپلائی، صفائی ستھرائی، طبی سہولیات، ایمرجنسی ریسپانس اور میڈیا کوآرڈینیشن , نہایت احسن، بروقت اور مربوط انداز میں مکمل کیے گئے، جس پر پوری ٹیم داد و تحسین کی مستحق ہے۔یہ سب کچھ صرف ایک فرد یا محکمہ کی نہیں بلکہ ایک ٹیم کی مشترکہ کامیابی ہے۔ یہ ہم سب کے درمیان موجود اعتماد، رابطے، اور عوامی خدمت کے جذبے کی بہترین مثال ہے۔ ہماری کاوشیں اس بات کا ثبوت ہیں کہ اگر نیت صاف ہو اور جذبہ خالص، تو بڑے سے بڑا چیلنج بھی کامیابی سے عبور کیا جا سکتا ہے۔”
محترمہ امیرا بیدار نے عوام کے مثالی تعاون پر بھی شکریہ ادا کیا اور کہا کہ شہریوں، معزز علمائے کرام، عزادار تنظیموں، اور مقامی رضا کاروں نے جس تحمل، ذمہ داری اور بھائی چارے کا مظاہرہ کیا، وہ ضلع لیہ کی اعلیٰ سماجی روایات کا عکاس ہے۔ ڈپٹی کمشنر نے اس عزم کا اعادہ کیا کہ ہماری ترجیح ہمیشہ عوامی فلاح، امن و امان، مذہبی رواداری اور خدمتِ خلق رہے گی۔ مستقبل میں بھی ضلعی انتظامیہ اسی جذبے، لگن اور ہم آہنگی سے عوام کی توقعات پر پورا اترنے کی بھرپور کوشش جاری رکھے گی
