چین کے صدر شی جن پنگ نے ایس سی او ترقیاتی بینک کے قیام کی تجویز تجویز دیدی۔
چین کے شہر تیانجن میں جاری ایس سی او اجلاس میں وزیراعظم شہباز شریف سمیت روسی صدر ولادیمیرپیوٹن، ملائیشیا کے صدر انور ابراہیم، ترک صدر رجب طیب ایردوان اور اقوام متحدہ کے سیکرٹری جنرل انتونیو گوتریس سمیت دیگر موجود تھے۔اجلاس سے خطاب کرتے ہوئے چینی صدر نے کہا کہ ایس سی او باہمی اعتماد اور اصولوں کے تحت آگے بڑھ رہی ہے، وقت گزرنے کے ساتھ تنظیم تناوردرخت بن چکی ہے، ایس سی او ملکوں کے درمیان مختلف شعبوں میں تعاون کی بہت گنجائش ہے، رکن ملکوں کو تجارت اور معیشت کے شعبوں میں دستیاب مواقع سے استفادہ کرناہوگا۔
چین کے صدر نے ایس سی او ترقیاتی بینک کے قیام کی تجویز دی اور کہا کہ مشترکہ خوشحال مستقبل کے لیے تجارتی اورمواصلاتی روابط بڑھانا ہوں گے، چین رکن ملکوں کی سماجی اورمعاشی ترقی میں کردار اداکرنے کے لیے پرعزم ہے۔انہوں نے کہا کہ عوام کی خوشحالی کے لیے ایس سی او ملکوں کوعملی اقدامات کرنا ہوں گے۔واضح رہے کہ دو روزہ اجلاس میں 20 ممالک کے سربراہان شریک ہیں جب کہ اجلاس میں وزیرِاعظم شہباز شریف پاکستان کا نکتہ نظر پیش کریں گے۔
وزیر اعظم شہباز شریف عالمی مسائل اجاگر کریں گے، اس کے علاوہ وہ خطے میں تعاون اور استحکام کو فروغ دینے کے لیے ایس سی او کے کردار کو مضبوط بنانے سے متعلق تجاویز پیش کریں گے۔
