لاہور:قومی کرکٹ ٹیم کے ہیڈ کوچ مائیک ہیسن نے سہ فریقی سیریز میں حاصل ہونے والی فتوحات کو سیلاب متاثرین کے نام کر دیا۔
سماجی رابطے کی ویب سائٹ ایکس پر جاری پیغام میں ہیڈ کوچ مائیک ہیسن کا کہنا تھا کہ مسلسل فتوحات پاکستان میں سیلاب متاثرین کے نام کرتے ہیں، کچھ لوگ اس وقت بہت مشکل میں ہیں، ہم ان کی حفاظت کیلئے دعا گو ہیں۔واضح رہے کہ پاکستان نے سہ فریقی سیریز میں گزشتہ روز یو اے ای اور اس سے قبل افغانستان کو شکست دی تھی۔
