اسلام آباد: وفاقی وزیرداخلہ محسن نقوی نے موبائل سمز کے ڈیٹا لیک ہونے سے متعلق نشر ہونے والی خبر کا فوری نوٹس لے لیا۔ نیشنل سائبر کرائمز انویسٹی گیشن ایجنسی نے وزیرداخلہ کی ہدایت پر خصوصی انویسٹی گیشن ٹیم تشکیل دی۔
انویسٹی گیشن ٹیم ڈیٹا لیک کے معاملے کی ہر پہلو سے تحقیقات کرے گی اور ملوث عناصر کی شناخت کرکے قانونی کارروائی عمل میں لائی جائے گی۔ تحقیقاتی ٹیم اپنی رپورٹ 14 روز کے اندر پیش کرے گی۔
رپورٹ کے مطابق انٹرنیٹ پر حکومتی شخصیات، اعلیٰ سرکاری افسران اور وفاقی وزرا کی موبائل سمز کا ڈیٹا کھلے عام فروخت ہو رہا ہے۔ وزیر داخلہ محسن نقوی سے چیئرمین پی ٹی اے تک تمام شخصیات کی سمز کی تفصیلات، شناختی کارڈ کی تصاویر، کال ڈیٹا ریکارڈ اور لوکیشن کی معلومات گوگل اور مختلف ویب سائٹس پر سستے داموں دستیاب ہیں۔
وفاقی وزیرداخلہ نے فوری نوٹس لیتے ہوئے نیشنل سائبر کرائم انویسٹی گیشن ایجنسی کو ہدایات جاری کیں اور تحقیقات کے لیے 14 رکنی کمیٹی تشکیل دی۔
