کراچی: پاکستان اسٹاک ایکسچینج (پی ایس ایکس) کے 100 انڈیکس میں کاروبار کے دوران آج بھی مثبت تیزی دیکھنے میں آ رہی ہے۔
کاروباری ہفتے کے پہلے روز مارکیٹ میں آغاز سے ہی تیزی رہی اور 100 انڈیکس 1 لاکھ 55 ہزار کی حد عبور کر گیا۔ اس وقت پی ایس ایکس 100 انڈیکس 780 پوائنٹس اضافے کے ساتھ 155,057 پر ٹریڈ کر رہا ہے۔
گزشتہ کاروباری ہفتے کے آخری روز بھی پاکستان اسٹاک ایکسچینج میں زبردست تیزی دیکھی گئی تھی اور انڈیکس نے ایک لاکھ 54 ہزار کا ہندسہ عبور کیا تھا، جس سے سرمایہ کاروں میں اعتماد کی لہر دیکھی گئی۔