واشنگٹن: امریکی صدر ڈونلڈ ٹرمپ نے کہا ہے کہ قطر پر ممکنہ حملے کا فیصلہ اسرائیلی وزیراعظم نیتن یاہو کا تھا، ان کا نہیں۔
ٹرمپ کے مطابق قطر پر یکطرفہ بمباری نہ اسرائیل کے مفاد میں ہے اور نہ ہی امریکہ کے۔ انہوں نے کہا کہ قطر ایک خودمختار ریاست اور امریکہ کا قریبی اتحادی ہے، جو بہادری کے ساتھ امن قائم کرنے کی کوشش کر رہا ہے۔
امریکی صدر نے مزید بتایا کہ سینیٹر مارکو روبیو کو قطر کے ساتھ دفاعی تعاون کے معاہدے کو حتمی شکل دینے کی ہدایت کی گئی ہے۔
انہوں نے حماس پر بھی تنقید کی اور کہا کہ حماس نے غزہ کے عوام کی بدحالی کو اپنے سیاسی مفادات کے لیے استعمال کیا ہے۔
