واشنگٹن: امریکی صدر ڈونلڈ ٹرمپ نے یورپی یونین پر زور دیا ہے کہ وہ چین اور بھارت کے خلاف سخت تجارتی اقدامات کرے اور ان ممالک پر 100 فیصد ٹیرف عائد کرے۔
ٹرمپ نے کہا کہ روس کی معیشت تیل کی فروخت سے مضبوط ہو رہی ہے، اسی لیے امریکہ یورپی یونین کے ساتھ مل کر اسی نوعیت کے ٹیرف عائد کرے گا۔ ان کے مطابق امریکہ نے پہلے ہی بھارت پر ٹیرف دگنا کر دیے ہیں، تاہم یورپی یونین اب تک صرف پابندیوں پر توجہ دے رہا ہے۔
تجزیہ کاروں کا کہنا ہے کہ ٹرمپ کی تجویز عالمی تجارتی تعلقات میں مزید کشیدگی پیدا کر سکتی ہے، خصوصاً ایسے وقت میں جب عالمی معیشت پہلے ہی دباؤ کا شکار ہے۔
