کراچی کا موسم ابر آلود، ہلکی بارش کا امکان
محکمہ موسمیات کے مطابق کراچی میں آئندہ 24 گھنٹوں کے دوران مطلع جزوی طور پر ابر آلود اور موسم مرطوب رہنے کی توقع ہے۔ شہر کے کچھ علاقوں میں ہلکی بوندا باندی بھی ہو سکتی ہے۔
محکمہ نے بتایا کہ زیادہ سے زیادہ درجہ حرارت 31 سے 33 ڈگری سینٹی گریڈ کے درمیان رہنے کا امکان ہے، ہوا میں نمی کا تناسب 78 فیصد تک ریکارڈ کیا گیا ہے جبکہ سمندری ہوائیں 7 کلو میٹر فی گھنٹہ کی رفتار سے چل رہی ہیں۔
