آسکر ایوارڈ یافتہ ہالی ووڈ اداکارہ جینیفر لارنس اور معروف اداکارہ ایما واٹسن بھی غزہ میں فلسطینیوں کی نسل کشی کے خلاف آواز بلند کر رہی ہیں۔
غیر ملکی خبر رساں ادارے کے مطابق جینیفر لارنس نے اپنے بیان میں کہا کہ غزہ میں جو کچھ ہو رہا ہے وہ نسل کشی سے کم نہیں اور یہ کسی صورت قابلِ قبول نہیں ہے۔ انہوں نے عالمی برادری پر زور دیا کہ اس ظلم کو روکنے کے لیے فوری اقدامات کیے جائیں۔
دوسری جانب ایما واٹسن کا کہنا تھا کہ لوگ غزہ میں جاری مظالم پر بات کرتے ہوئے خود کو غیر محفوظ سمجھتے ہیں، جو اس بات کی عکاسی کرتا ہے کہ حقیقت بیان کرنے والوں کو بھی دباؤ کا سامنا ہے۔
دونوں اداکاراؤں کے یہ بیانات ایسے وقت میں سامنے آئے ہیں جب دنیا بھر میں غزہ میں جاری انسانی حقوق کی خلاف ورزیوں پر شدید احتجاج کیا جا رہا ہے اور سوشل میڈیا پر بھی فلسطینی عوام کے حق میں آوازیں بلند ہو رہی ہیں۔
