پاکستان کرکٹ بورڈ کے چیئرمین اور صدر ایشین کرکٹ کونسل (اے سی سی) محسن نقوی نے بھارتی وزیر اعظم نریندر مودی کے حالیہ بیانات پر سخت ردِعمل دیتے ہوئے کرارا جواب دیا۔
محسن نقوی نے سوشل میڈیا پر جاری اپنے بیان میں کہا کہ بھارتی قیادت کی جانب سے جنگ کو کھیل سے جوڑنا مایوسی اور کمزوری کی علامت ہے، اور یہ رویہ کرکٹ کی اصل روح کو مجروح کرتا ہے۔
محسن نقوی نے واضح الفاظ میں لکھا کہ کرکٹ ایک ایسا کھیل ہے جو دو ممالک کے درمیان امن، برداشت اور کھیل کی اسپرٹ کو فروغ دیتا ہے، مگر بھارتی قیادت کھیل کو سیاسی مفادات کے لیے استعمال کر کے اس کی شفافیت کو داغدار کر رہی ہے۔
مودی کے بیان پر مزید تبصرہ کرتے ہوئے محسن نقوی نے کہا کہ اگر جنگ کو فخر کا پیمانہ سمجھا جاتا ہے تو تاریخ گواہ ہے کہ بھارت کو ہمیشہ پاکستان کے ہاتھوں رسوائی اور شکست کا سامنا کرنا پڑا ہے۔ انہوں نے زور دیا کہ کسی کرکٹ میچ کے نتیجے سے یہ حقیقت تبدیل نہیں کی جا سکتی اور بھارت کو یہ سمجھنا ہوگا کہ کھیل کو سیاست سے الگ رکھنا ہی دونوں ملکوں کے لیے بہتر ہے۔
کرکٹ حلقوں میں محسن نقوی کے اس دوٹوک بیان کو پاکستان کی مضبوط مؤقف کا عکاس قرار دیا جا رہا ہے۔ ماہرین کا کہنا ہے کہ بھارتی قیادت کے حالیہ بیانات نے نہ صرف کھیل کے ماحول کو خراب کیا
