کرتارپور: بابا گورو نانک کے 554ویں جنم دن کی تقریبات کرتارپور میں تیسرے اور آخری روز بھی جاری ہیں، تاہم بھارت نے آج بھی کرتارپور راہداری نہیں کھولی
اختتامی تقریب میں شرکت کے لیے یاتریوں کی آمد جاری ہے، اور کرتارپور پہنچے بھارتی یاتریوں نے بھارتی حکومت سے راہداری فوری کھولنے کا مطالبہ کیا۔ یاتریوں کا کہنا تھا کہ پوری دنیا گھومی، مگر پاکستان جیسا پیار کہیں نہیں ملا، اور وہ پاکستان کی حکومت کے بہترین انتظامات اور سہولیات پر شکر گزار ہیں۔
دوسری جانب دربار انتظامیہ کے مطابق آج تقریباً ایک ہزار بھارتی یاتری دوپہر کے وقت گوردوارہ روہڑی، ایمن آباد روانہ ہوں گے، جبکہ متروکہ وقف املاک بورڈ نے کہا کہ بھارتی یاتری 13 نومبر کو واہگہ بارڈر کے راستے واپس بھارت جائیں گے۔
