اسلام آباد: وفاقی وزیر قانون اعظم نذیر تارڑ نے سینیٹ میں 27 ویں آئینی ترمیمی بل پیش کرنے کی تحریک جمع کرادی۔
تحریک پیش کرنے کے دوران پی ٹی آئی کے ارکان نے چیئرمین سینیٹ کے ڈائس کے سامنے احتجاج کیا، تاہم پی ٹی آئی کے رکن سیف اللہ ابڑو نشست پر بیٹھے رہے اور احتجاج میں شامل نہیں ہوئے۔
بعد ازاں ستائیسویں آئینی ترمیم پیش کرنے کی تحریک پر ایوان میں ووٹنگ ہوئی، جس میں سیف اللہ ابڑو اور جے یو آئی کے احمد خان تحریک کے حق میں کھڑے ہوئے۔ مجموعی طور پر 64 سینیٹرز نے آئینی ترمیم کی شق 2 کے حق میں ووٹ دیا۔
سینیٹ کے دیگر ارکان بھی نشستوں سے کھڑے ہو کر ووٹنگ میں حصہ لے رہے ہیں۔ اس کارروائی کے بعد آئینی ترمیم کے متوقع نتائج اور ایوان میں اس کی حمایت کے پیمانے واضح ہو گئے ہیں۔
