متحدہ عرب امارات میں قومی دن کے موقع پر سرکاری اور نجی سیکٹر کے ملازمین کے لیے دو دن کی تعطیل کا اعلان کیا گیا ہے۔
عرب میڈیا کے مطابق وزارت کی جانب سے جاری بیان میں کہا گیا کہ 2 اور 3 دسمبر (منگل اور بدھ) کو عام تعطیل ہوگی۔ امارات میں ہفتہ وار چھٹی سنیچر اور اتوار کو ہوتی ہے، جس کے باعث قومی دن کی تعطیل کے ساتھ نجی سیکٹر کے ملازمین کو پانچ دن کے عرصے میں چار چھٹیاں ملیں گی۔ سرکاری شعبے کے ملازمین اور کارکنوں کو بھی اسی طرح چار دن کی چھٹیاں دستیاب ہوں گی۔
واضح رہے کہ متحدہ عرب امارات کا قومی دن ہر سال 2 دسمبر کو منایا جاتا ہے۔ اس دن 2 دسمبر 1971 کو متحدہ عرب امارات قائم ہوئی تھی، جس میں ابوظبی، دبئی، شارجہ، عجمان، ام القوین، راس الخیمہ اور فجیرہ ریاستیں متحد ہوئیں اور بعد میں ان ریاستوں کو متحدہ عرب امارات کا نام دیا گیا۔
