لاہور: سابق چیف جسٹس قاضی فائز عیسیٰ کو دھمکیاں دینے کے مقدمے میں کالعدم ٹی ایل پی کے پیر ظہیرالحسن شاہ کو سزا
لاہور کی انسداد دہشتگردی عدالت کے جج ارشد جاوید نے سابق چیف جسٹس پاکستان جسٹس ریٹائرڈ قاضی فائز عیسیٰ کو دھمکیاں دینے کے مقدمے کا فیصلہ سناتے ہوئے کالعدم تحریک لبیک پاکستان (ٹی ایل پی) کے پیر ظہیرالحسن شاہ کو سزا دے دی۔
عدالت نے مجرم کو مختلف مقدمات کے تحت ساڑھے 35 سال قید اور 6 لاکھ روپے جرمانہ ادا کرنے کا حکم دیا۔
واضح رہے کہ پیر ظہیرالحسن شاہ کے خلاف 2024 میں سابق چیف جسٹس کو دھمکیاں دینے کے الزام پر مقدمہ درج کیا گیا تھا، اور مقدمے کا ٹرائل مکمل ہونے کے بعد یہ فیصلہ سنایا گیا۔
